Surfex.am - ՄԵՐ ՄԱՍԻՆ





     Ռոբերտ Սեդրակի Քոչարյան` Հայաստանի երկրորդ նախագահ, Երևանի Առագաստանավային սպորտի Ակումբի նախաձեռնող և գլխավոր հիմնադիր, Հայաստանում վինդսյորֆինգի “զանգվածայնության” գաղափարի հեղինակ: Գիտեք, կան մարդիկ, ովքեր, երբ ունենում կամ կարողանում են անել ինչ-որ բան, հպարտանում են դրանով և զգում են իրենց առավելությունները մյուսների նկատմամբ: Եվ կան այլ մարդիկ (նրանց թիվը շատ քիչ է), ովքեր ցանկանում են իրենց գիտելիքներով կիսվել ուրիշների հետ և տալ հնարավորություն` զգալու այդ երջանկությունը: Ահա այդպիսի հազվագյուտ մարդկանցից է պ-ն Ռոբերտ Քոչարյանը, ով բացի այն, որ իր զբաղվածության հետ մեկտեղ ժամանակ է գտնում զբաղվել վինդսյորֆինգով, այլև հնարավորություններ գտավ Սևանի ափին ժամանակակից ակումբ ստեղծելու համար, որտեղ կարող է նավարկել յուրաքանչյուր երեխա, ով ցանկանում է: Հնարավոր է, մեծահասակների համար նա սթափ և խելացի քաղաքական գործիչ է, բայց երեխաների համար նա ավագ ընկեր է, ով կարողանում է նրանց հետ զրուցել` ինչպես հավասարը հավասարի, գովել նրանց հաջողությունների համար և հպարտանալ նրանց հաջողություններով:


     Մհեր Թովմասյան` Երևանի Առագաստանավային սպորտի Ակումբի հիմնադիր և նախագահ, առագաստանավային սպորտի ոլորտում է ի սկզբանե, ԽՍՀՄ սպորտի Վարպետ, “Նավերը շշի մեջ” եվրոպական միության անդամ /նրա աշխատանքները համաշխարհային մրցույթներում կրկնակի արժանացել են առաջին տեղի/: Նա հեղինակային երգի փառատոնի մրցանակակիր է: Սակայն այս բոլոր հոբբիներն այդպես էլ մնացին որպես հոբբի, իսկ ահա երրորդը` առագաստանավային սպորտը, վերածվեց աշխատանքի և նույնիսկ “մոլուցքի”: Մհերը Հայաստանում վինդսյորֆինգի գլխավոր գաղափարախոսն ու մասսայականացման փորձագետն է: Մինչդեռ ուրիշները քննարկումներ էին կատարում “Լավ կլիներ… մի օր…” թեմայով, նա նվազագույն նյութական միջոցներով իր ուսերի /ի դեպ, ոչ փխրուն/ վրա էր կրում Այրիվանքում ճամբարի կյանքին աջակցելու պարտականությունը: Ինչպես հայտնի է, հաճախ իրական կյանքում համբերատարությունը, աշխատանքը, համառությունը, իսկ ամենագլխավորը, հավատարմությունը պարգևատրվում են. այսօր նա ունի իր սեփական ժամանակակից մրցունակ ակումբը, դպրոցը, աղջիկ, ով նույնպես հետաքրքրված է վինդսյորֆինգով. իսկ սրանից ավել ի՞նչ է պետք երջանիկ լինելու համար:


     Լարա Մովսեսյան` ակումբի մենեջեր, ուսուցչուհի տարիների աշխատանքային փորձով, առագաստանավային սպորտի ոլորտում է 93 թվականից: Լարան ակումբի հիմնադիրն ու մենեջերն է, համատեղ, հոգեբան է, մրցավարների խորհրդի անդամ, մրցումների կազմակերպիչ, երեխաների իրավունքների եռանդուն պաշտպան և, միևնույն ժամանակ, նրանց ամենախիստ ուսուցիչը: Նա ջանք չի խնայում, որպեսզի երեխաները լիարժեք սնվեն, առողջ լինեն: Աշխատանքում նրա կարգախոսն է` լինել ճիշտ տեղում ճիշտ ժամանակին և տվյալ պահին անհրաժեշտ աշխատանքը կատարել: Կարճ ասած, ակումբի "տանտիրուհի":


     Արմեն Նազարյան` ակումբի հիմնադիր և գլխավոր մարզիչ, ակումբում վինդսյորֆինգի հին անդամներից մեկը: Հենց նա էր, որ առաջին անգամ Հայաստան բերեց բուն գաղափարը; իր էնտուզիաստ ընկերների հետ նավարկում էին իրենց իսկ պատրաստած սերֆի վրա, նրանց հետ փնտրում էր Հայաստանում այդ սպորտաձևի քաղաքակիրթ զարգացման կազմակերպման եղանակներ: Նույնիսկ դժվար տարիներին նա միակն էր հին անդամներից, ով շարունակեց հաճախել Պոլիտեխնիկական բազա` կարծես պահպանելով սպորտի վերածնման չիրականացված երազանքը: Անցել է 30 տարի, և նա այժմ էլ տեղյակ է նավասպորտի նորություններից և տեսություններից աշխարհում, լցված է նոր գաղափարներով, կարողանում է դրանք իրականացնելու ուղիներ գտնել: Արիկը (այդպես են անվանում նրան ընկերները) “Կիլիկիա” նավակազմի անդամ է, անցել է նավի ողջ պատմական ուղիով, իսկ այժմ պատրաստվում է զբոսանավով շուրջերկրյա ճանապարհորդության:


     Միշել Զաքարյանը մեր ընկերն է Ֆրանսիայից, հայկական դրոշի ներքո ներկայացող Սառա Հերբերտի պաշտոնական մարզիչը: Նրա հովանավորության տակ գտնվողի հաջողությունները թույլ են տալիս հուսալ, որ մեր երեխաները, որոնց նա մարզում է ամեն ամառ, նույնպես կհասնեն համաշխարհային բարձրունքների: Միշելը յուրահատուկ մարդ է, նա վինդսյորֆինգի երկրպագու է և շատ է սիրում երեխաներին, որոնք սիրում են վինդսյորֆինգ: Եվ ինչպես միշտ, դա փոխադարձ է: Մենք նրան շատ ենք սիրում:


     Մուշեղ Հովակիմյան` հենց ինքը` “Պապը”, առագաստանավային սպորտի ոլորտում է 1982 թվականից: Մարզիչ-դաստիարակ: Մուշեղը մարդկային իմաստության գանձարան է: Նա միշտ գիտի` ինչպես գտնել մոտեցում երեխաների հանդեպ ընդհանրապես, և յուրաքանչյուրին, մասնավորապես: Երեխաները պատրաստ են լսել նրան ժամերով, սիրում են նրա հետ արշավների, ձկնորսության գնալ` հաջողացնելով միևնույն ժամանակ բարձրացնել իրենց հոգեկան և մշակութային մակարդակը: Դեռ առաջին օրվանից Պապը նրանց բացատրել է, որ անգրագետ և ցածր ինտելեկտով մարդը չի կարող զբաղվել վինդսյորֆինգով: Կարճ ասած, Մուշեղը երբեք թույլ չի տա որևէ մեկին “հիմար” մարզիկ դառնալ:


     Իգոր Գրիգորյան` զբաղվել է սպորտով ողջ կյանքի ընթացքում, իսկ նավով հրապուրվել է 1998 թվականին: Ընդհանուր ֆիզիկական պատրաստվածության մարզիչն է, ակումբի միակ անդամը, ով ունի մասնագիտական կրթություն: Հնարավոր է, հենց դա է պատճառը, որ նա միշտ ճշգրիտ գիտի` ինչ է պետք մարզիկին. ինչպես սնվել, ինչ վարժություններ կատարել այս կամ այն մկանի զարգացման համար: Լինելով սպորտի երկրպագու` նա նույն մանրակրկտությամբ է սովորեցնում երեխաներին դաշտում, սերֆ-մարզասարքի վրա և ջրում: Նա կարող է սերֆի վրա կանգնեցնել սկսնակին մի քանի ժամում և կարծում է, որ դա բնական է: Մի խոսքով, Իգորը սկսնակների համար հայտնություն է:


      Մուշեղ Բարսեղյան` ` մարզիչ, “Պուշոկ” (ինչպես քնքշորեն նրան անվանում են ընկերները): Երեխաները սիրում են նրան նրա հանգիստ բնավորության, բարդությունները մատչելի բացատրելու համար: Մուշեղն ունի փորձված նավաստու հեղինակություն, քանի որ “Կիլիկիա” նավակազմում անցել է այդ նավի ողջ պատմական ուղիով: Այս ամենից բացի` նա իրականացնում է վերամոնտաժման պարտականությունները, և բոլորը նրա մոտ, ինչպես “շտապօգնության”, տանում են իրենց պատռված և ջարդված սերֆերը: Մուշեղը նույնպես պատրաստվում է զբոսանավով շուրջերկրյա ճանապարհորդության:


     Վահագ Մաթևոսյան` լուռ փրկարար: Այս գործը, ինչպես հայտնի է, “չի հանդուրժում շտապողականություն”: Նա միշտ ժպտում է, և դու հասկանում ես, որ քո կյանքը վստահելի ձեռքերում է: Վահագը “Կիլիկիա” նավակազմի անդամ է, այսինքն` փորձառու նավաստի: Ցավոք, նա չի պատրաստվում ճանապարհորդությանը, սակայն նրան որևէ մեկը ժամանակավոր կփոխարինի:




Հեռ.: (010) 58-23-76 , (091) 21-48-12    \    Էլ-փոստ:   mhertovmasyacht@mail.ru , laramovsesyan@mail.ru    \   
Copyright © 2012. "Livaman" LLC. All rights reserved. Designed and developed by "Livaman" LLC