Surfex.am - ՈւՍՈՒՑՈւՄ


ՈւՍՈՒՑՈւՄ

      Ջուրը և քամին միշտ էլ գրավել են մարդկությանը իրենց ազատությամբ և անսանձությամբ: Եվ ահա մի օր մարդը որոշեց սանձել և իրեն ծառայեցնել բնության այս երկու արհավիրքները, և այդ պատճառով հնարեց առագաստն ու նավը, սակայն դրանով չբավարարվելով` որոշեց կատարելագործել դրանք. ահա այսպես առաջացավ առագաստի տախտակը: Սա, հավանաբար, միակ միջոցն է, որի վրա դու քեզ զգում ես երկու խելագար արհավիրքների լիիրավ տիրակալ և լիովին ղեկավարում ես ի օգուտ քեզ: Ելնելով բաց ծով, եթե անգամ մոտակայքում չկա ծով, ապա հարմար կլինի ցանկացած ջրամբար, դու լիովին կտրվում ես առօրյա բոլոր հոգսերից և միաձուլվում բնության հետ, ամեն ինչ անցնում է երկրորդ պլան, այստեղ միայն դու ես, ջուրը և քամին: Սա ցանկացած թմրադեղից էլ մաքուր է, այն քեզ ներգրավում է ոտքից գլուխ, և դու չես կարողանում ազատվել դրանից: Եվ դու չես կարողանում կանգ առնել, սլանում ես սեփական խիզախությանդ դեմ հանդիման: Միայն ջրում է մարդ կարողանում ստուգել` ինչի է ընդունակ, ինչի է արժանի, միայն քամու հետ պայքարում է կարելի իսկապես հասկանալ` ինչպիսի տղամարդ ես դու: Դե ինչ, որոշե՞լ եք սովորել այս, միանգամից ասեմ ոչ հեշտ, առագաստանավային սպորտաձևը կամ վինդսյորֆինգը: Դրա համար անհրաժեշտ է իմանալ ամենատարրական կանոններն ու պահանջները, ինչպես նաև սերֆերի կանոնները, և մենք հույսով ենք, որ այս դասընթացը, ամբողջությամբ կարդալու պայմանով, կօգնի քեզ դառնալ իսկական սերֆեր և սանձել այդ երկու խելահեղ արհավիրքները` քամին և ալիքը: Առագաստի տախտակի գաղափարը, ինչպես շատերը գերադասում են կարծել, պատկանում է երկու ընկերների` Ջիմ Դրեյքին և Խոյլի Շվեյցերին: Երկուսն էլ ապրում էին Կալիֆոռնիայում, սիրում էին ծովը և յուրաքանչյուրն ուներ իր երազանքը: Մեկը երազում էր սերֆինգի մասին, բայց իրենց շրջանում չէին լինում մեծ ալիքներ, իսկ մյուսը երազում էր առագաստանավի մասին: Մի մռայլ երեկո նրա մոտ միտք ծնվեց առագաստ պատրաստել սերֆինգի համար: Սակայն դա այդպես չէ. առաջին առագաստային տախտակների պատմությունը սկսվում է դեռևս անցած դարի 40-ական թվականներից, վիդսյորֆինգի հիմնադիրն է ամերիկացի Նյուման Դարբին: Հենց նա կառուցեց առաջին առագաստային տախտակը հեռավոր 40-ականներին, սակայն նրա այդ փորձը ձախողվեց, քանի որ տախտակը, այսպես ասած, այնքան էլ նման չէր առագաստային տախտակի այն իմաստով, որով մենք սովոր ենք նրան ընկալել, այն չէր կարողանում պատշաճ կերպով մանյովրել, անճոռնի էր:









        Եվ ահա 1964 թվականին Նյուման Դարբին կատարելով բազմաթիվ փորձեր, վերջապես հասավ իր ուզածին, և տախտակի վրա շվերտի տեղադրումից հետո նա հասկացավ, որ տախտակը կարող է մանյովրել, հասկացավ այն փաստը, որ նա հայտնագործել է սպորտի նոր տեսակ: 1964 թվականը դարձավ առաջին գործող առագաստային տախտակի ստեղծման տարին, որից կարելի է պաշտոնապես հաշվել նոր սպորտաձևի` վինդսյորֆինգի ստեղծման ժամանակը: Հետագայում Ն. Դարբին բացում է ընկերություն, միևնույն ժամանակ տախտակները կատարելագործվում են, օրինակ, առաջանում է այս տեսակի մեջ առաջին ցիցը, որով սովոր ենք տեսնել այն այժմ: Սակայն ամեն ինչ չէ, որ հարթ էր ընթանում, և Դարբիի բիզնեսը փուլ եկավ, սակայն պետք է նշել, որ իր գոյության ընթացքում այն վաճառեց 160 առագաստային տախտակ: Եվ ահա 60-ականների վերջին հորիզոնում հայտնվեցին երկու ամերիկացի Կալիֆոռնիայից` Ջիմ Դրեյքը և Խոյլի Շվեյցերը, որոնց շատերը համարում են վինդսյորֆինգի հայտնագործողներ: Եվ միևնույն ժամանակ դրանում կա ճշմարտության նշույլ, քանի որ այդ տախտակները ոչնչով չին տարբերվում Դարբիի տախտակներից: Ջիմ Դրեյքը և Խոյլի Շվեյցերը առաջ ընկան Դարբիից և ստացան իրենց գյուտի արտոնագիր: Պետք է նշել նաև, որ Ջիմ Դրեյքը համարվում է առագաստային Ստարբորդ տախտակների ընկերության աշխատակից և խորհրդատու, և մեկ այլ կարևոր փաստ, որ Ջիմ Դրեյքը Վինդսյորֆինգի Փառքի Սրահում PWA-ում (Professional Windsurfing Association – Վինդսյորֆինգի Պրոֆեսիոնալ Միություն), որն ընդգրկում է 60 անուն, առաջին դիրքերն է զբաղեցնում: Իր գոյության երկար տարիների ընթացքում առագաստային տախտակը բազմաթիվ փոփոխությունների է ենթարկվել, կատարելագործվել է, և կցանկանայի նշել, որ դա շարունակվում է նաև մինչ այսօր: Ահա, մենք Ձեզ ներկայացրեցինք այս հիասքանչ սպորտաձևի և առաջին առագաստային տախտակի ստեղծման կարճ պատմությունը:

       

Правила

Безопаснасть

Язык серфера

Подбор гидрокостюма

Устройство парусной доски

Учимся стоять на доске

И так какие же бывают доски?

Первый галс

Подбор оборудования

Уваливание и приведение

Подбираем парус

Краткий курс по сборке паруса

Подбираем мачту

Материалы взяты из следуюших сайтов: http://www.funsurf.com.ua ,    http://www.ski.ru ,    golandec.ru

Հեռ.: (010) 58-23-76 , (091) 21-48-12    \    Էլ-փոստ:   mhertovmasyacht@mail.ru , laramovsesyan@mail.ru    \   
Copyright © 2012. "Livaman" LLC. All rights reserved. Designed and developed by "Livaman" LLC